Hvað inniheldur fræ?

Svar

Fræ samanstendur að jafnaði af þremur hlutum: kími, fræhvítu og fræskurni. Kímið er einhvers konar fósturhluti plöntunnar og vísir að plöntu framtíðarinnar því að við kjöraðstæður verður spírun. Hér á landi virkjar aukinn lofthiti, sem hitar jarðveginn, og aukning á ljóslotu spírun. Þá vex eitt kímblað úr fóstrinu hjá einkímblöðungum (e. monocotyledonae, efri mynd) og brýst í gegnum skurnina en hjá tvíkímblöðungum (e. dicotyledonae, neðri mynd) koma tvö kímblöð úr fræinu. Fræhvítan er næringin sem fræið þarf á að halda við spírunina og í þessu skrefi í lífsferli plöntunnar.






Frekara lesefni á Vísindavefnum:

• Hvaða plöntur eru tvíkímblöðungar? eftir Jón Má Halldórsson
• Hver er munurinn á einærum, tvíærum og fjölærum plöntum? eftir Jón Má Halldórsson
• Hvað græða plöntur á því að framleiða ávexti sem falla síðan til jarðar? eftir Jón Má Halldórsson
• Hvað eru byrkningar? eftir Jón Má Halldórsson

Myndir:

• Wikipedia.com - einkímblöðungur. Sótt 3.6.2010.
Wikipedia.com - tvíkímblöðungur. Sótt 3.6.2010.