Hvað er átt við þegar sagt er "þú ert kýrfættur"?

Svar

Orðið kýrfættur merkir ‘útskeifur’ og virðist upphaflega fyrst og fremst hafa verið notað um hesta. Hestur er sagður kýrfættur ef styttra er á milli hækilbeinanna en hófanna. Gangurinn minnir þá dálítið á kú. Orðið virðist eitthvað hafa verið notað um fólk og þá um þá sem eru útskeifir, ganga þannig að tærnar vísa á ská út til hliðanna.

Hér sést eðlilegur fótaburður á hesti vinstramegin á teikningunni en kýrfættur hestur til hægri.

Frekara lesefni á Vísindavefnum:

• Eru kýrhausar eitthvað sérstaklega skrýtnir, samanber máltækið "margt er skrýtið í kýrhausnum"? eftir Guðrúnu Kvaran

Mynd:

• Purdue University Cooperative Extension Service