Hvað eru mörg svín og margar geitur á Íslandi?

Svar

Á vef Hagstofu Íslands er að finna ýmsa gagnlega tölfræði. Þar má meðal annars finna tölur yfir fjölda geita og svína á landinu. Nýjustu upplýsingarnar eru frá árinu 2009 en þar kemur fram að fjöldi svína er 3.818 en fjöldi geita er 655.

Geitur á Íslandi eru mun færri en svín.
Tölfræðin yfir fjölda svína og geita nær allt aftur til ársins 1980. Þá voru 1.553 svín á landinu og 220 geitur. Svínum og geitum hefur þannig fjölgað umtalsvert á síðastliðnum 30 árum.

Hér að neðan má svo sjá töflu yfir nokkur valin ár og fjölda geita og svína:

	1980	1985	1990	1995	2000	2005	2009
Svín	1553	2575	3116	3726	3862	3982	3818
Geitur	220	280	345	350	416	439	655

Á þessu tímabili náði fjöldi geita hámarki árið 2009, þá 655 talsins, en fjöldi svína náði hámarki árið 2001 en þá voru 4.561 svín á Íslandi.

Frekara lesefni á Vísindavefnum:

• Hvað getið þið sagt mér um svín? eftir Jón Má Halldórsson
• Eru geitur með þrjá maga? eftir Jón Má Halldórsson
• Hvað er þyngsta svín í heimi þungt? eftir MBS

Heimild og mynd:

• Hagstofa Íslands
• Fjölskyldu- og húsdýragarðurinn. Sótt 8.6.2011.

---

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2011.