Drepast ormar í frosti?

Svar

Eðlileg viðbrögð ánamaðka þegar jarðvegur frýs er að leita dýpra niður í jarðveginn þar sem frostið nær ekki niður. Þar leggst ánamaðkurinn í dvala. Fyrst gerir hann sér eins konar kúlulaga bæli og hringar sig upp í hnykil. Bælið er fóðrað að innan með þunnu slímlagi sem hefur það hlutverk að verja ánamaðkinn fyrir uppþornun.

Ánamaðkar leita misdjúpt niður í jarðveginn en það ræðst bæði af tegundum og jarðvegsdýpt. Til dæmis hefur ein íslensk tegund, stóráni (Lumbricus terrestris), fundist á 5 metra dýpi.

Svipuð viðbrögð verða hjá ánamöðkum þegar miklir þurrkar eru.


Sjá fleiri svör um ánamaðka:

• Af hverju breytist maðkur í tvo maðka ef maður klípur hann í sundur?
• Hver er stærsti ánamaðkur sem hefur fundist?
• Af hverju verða ánamaðkar stundum ljósir?
• Er maðkategundirnar Eisenia Foetida (Red Wiggler), Dendrabaena Veneta (Dendras) og Lumbricus Terrestris (Lobs) að finna í íslenskri náttúru?

---

Mynd: HB