Hver er stærsti ánamaðkur sem hefur fundist?

Svar

Í hitabeltinu og á Suðurhveli eru allmargar mjög stórvaxnar ánamaðkategundir. Lengst af hefur verið álitið að stærsta tegundin væri Megascolides australis sem á heima í skóglendi nálægt Melbourne í Ástralíu. Lengd þessa ánamaðks er oft sögð vera 12 fet, eða um 360 cm. Sú staðhæfing virðist studd af ljósmynd sem víða hefur verið birt og sýnir tvo menn toga ógnarlangan maðk úr jörðu. Nú er myndin talin vera fölsuð og maðkurinn samsettur úr 3-4 einstaklingum sem haldið er saman. Sennilega eru ánamaðkar af þessari tegund þó eftir sem áður lengstu ánamaðkar í heimi.


Sjá einnig fleiri svör um ánamaðka:

• Af hverju breytist maðkur í tvo maðka ef maður klípur hann í sundur?
• Af hverju verða ánamaðkar stundum ljósir?
• Er maðkategundirnar Eisenia Foetida (Red Wiggler), Dendrabaena Veneta (Dendras) og Lumbricus Terrestris (Lobs) að finna í íslenskri náttúru?
• Drepast ormar í frosti?