Vísindavefurinn: Hvað heitir höfuðborg Svartfjallalands?

Upphaflega hljómaði spurningin svo:

Hvað heitir höfuðborg Svartfjallalands? (Af því að Svartfellingar áttu alltaf höfuðborg með Serbíu, það er Belgrad.)

Svartfjallaland (Montenegro) er land staðsett á Miðvestur-Balkanskaga. Í landinu búa um það bil 680.000 manns (miðað við tölur frá 2007). Stærsta borgin heitir Podgorica, og er hún einnig höfuðborg landsins. Í henni búa kringum 140.000 manns (miðað við tölur frá 2003). Podgorica merkir 'undir litla fjallinu', en borgin liggur við Gorica-hæð.

Podgorica hefur borið ýmis önnur nöfn. Hún var stofnuð undir nafninu Birziminium og hét svo Ribnica á miðöldum allt til ársins 1326. Þá var skipt yfir í nafnið Podgorica. Á árunum 1946-1992 hét borgin Titograd eftir Josip Broz Tito, leiðtoga Júgóslavíu á þessum tíma. Borgin tók aftur upp eldra nafnið Podgorica árið 1992.

Fáni Svartfjallalands, nýjasta sjálfstæða ríkis í heimi.

Svartfjallaland myndaði ásamt Serbíu Sambandslýðveldið Júgóslavíu árið 1992 eftir fall Sósíalíska sambandslýðveldisins Júgóslavíu (Fyrrum Júgúslavía) árið 1991. Auk þess öðluðust ríkin Makedónía, Slóvenía, Króatía og Bosnía og Herzegóvína sjálfstæði. Árið 2003 var nýtt ríki myndað og nafni Sambandslýðveldisins Júgóslavíu breytt í Serbía og Svartfjallaland en Svartfellingar fengu sjálfstæði árið 2006. Ísland var fyrsta landið í heiminum til að samþykkja sjálfstæði Svartfellinga, og eru Svartfellingar afar þakklátir þeim. Löndin í kringum Svartfjallaland eru Serbía, Króatía, Bosnía og Hersegóvína og Albanía (sjá svar við spurningunni Hvar í Evrópu er Albanía? eftir Margréti Kristjánsdóttur).

Opinbert tungumál í Svartfjallalandi er mállýska úr serbnesku, ljekavian-mállýskan, en hún var tekin upp í stað serbó-króatísku árið 1992. Víða er farið að nefna þetta mál svartfellsku en 21,53% Svartfellinga segjast tala svartfellsku. Önnur mál sem töluð eru í Svartfjallalandi eru mál nágranna þeirra; albanska, bosníska og króatíska.

Þetta svar er eftir nemenda í Háskóla unga fólksins, námskeiðum á vegum Háskóla Íslands fyrir 12-16 ára ungmenni í júnímánuði 2007.

Frekara lesefni á Vísindavefnum

Hvaða lönd teljast til Evrópu? eftir Emilíu Dagnýju Sveinbjörnsdóttur.
Hvar er hægt að finna lista yfir íslenskar þýðingar á heitum erlendra borga? eftir Guðrúnu Kvaran.
Hver er stærsta borg í heimi og hvað búa margir í borginni? eftir Hauk Má Helgason og Hrannar Baldursson.

Heimildir og mynd

Montenegro á Britannica.
Podgorica á Britannica.
Podgorica á Wikipediu.
Languages of Montenegro á Wikipediu
Fánamyndin er af Wikimedia og er birt undir
Creative Commons leyfi.

Sendu inn spurningu Leiðbeiningar Til baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Senda grein til vinar

Hvað heitir höfuðborg Svartfjallalands?

Höfundur

Útgáfudagur

Spyrjandi

Efnisorð

Tilvísun

Sendu inn spurningu Leiðbeiningar Til baka

Senda grein til vinar

Hvað heitir höfuðborg Svartfjallalands?

Höfundur

Útgáfudagur

Spyrjandi

Efnisorð

Tilvísun

Deila

Sendu inn spurningu LeiðbeiningarTil baka

Senda grein til vinar

Sendu inn spurningu Leiðbeiningar Til baka