Af hverju eru krókódílar árásargjarnir?

Svar

Krókódílar eru rándýr, það er að segja kjötætur, og sýna árásargirni þar sem þeir þurfa að veiða sér til matar. Venjist svo krókódílar að þiggja mat frá mönnum búa þeir til tengingu milli manna og fæðu, sem eykur líkur þess að þeir ráðist á menn; hið sama gildir um fjölmörg rándýr. Stundum þurfa kvendýrin að vernda afkvæmi sín, rétt eins og ær vernda lömbin sín, og sýna þá ógnandi tilburði; þær eru þó ef til vill aðeins að sækjast eftir matarbita frekar en að bregðast við ógn.

Ameríski krókódíllinn er óárennilegur.

Eftir því sem við best vitum er ekki til nein alþjóðleg skrá um dauðsföll manna af völdum krókódíla en á árunum 1948-2003 eru skráðar 326 árásir amerískra krókódíla á menn í Flórída-fylki í Bandaríkjunum; þar af minnst 13 dauðsföll.

Krókódílar birtust fyrst á tímum risaeðlanna, það er fyrir um 83 milljónum ára á svokölluðu krítartímabili. Ekki eru allir krókódílar eins en alla ætti að nálgast með varúð.

Sjá einnig svar JGÞ við spurningunni Hversu margir deyja árlega af völdum krókódíla?

---

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2012.