Er nafnið Snorre upprunalegra en Snorri?

Svar

Bókstafurinn –e í Snorre stendur í algerri bakstöðu. Forngermanskt –i í bakstöðu varð í forníslensku mjög snemma og fyrir ritun íslenskra heimilda að –e, samanber geste, hirþe í stað gesti, hirði. Þegar fyrir 1250 kom –i inn aftur í stað –e þótt fyrri ritháttinn megi sjá mun lengur í sumum handritum. Samkvæmt þessu ætti Snorre að vera eldri mynd, en Snorri vera sú sem algeng verður upp úr miðri 13. öld.

Í Sturlungu segir: „Snorri sat í laugu.“ Snorre er eldri mynd en Snorri.
Heimild:

• Adolf Noreen. 1970. Altnordische Grammatik. I. 5. útgáfa. Bls. 123. Tübingen, Max Niemayer.

Mynd:

• is.wikipedia.org - Snorralaug í Reykholti. Sótt 21.10.2011.