Gáta: VII = I?

Svar

Garðar hafði klárað skurðarbrettið sitt í smíði á undan hinum krökkunum svo Smári smíðakennari lét hann fá annað verkefni. Smári hafði mjög gaman af stærðfræðiþrautum og vissi að Garðar var lunkinn við að leysa slíkar þrautir. Þrautin sem Garðar fékk var að láta stærðfræðidæmið sem Smári hafði sett upp með skrúfum ganga upp.



Stóru skrúfurnar í dæminu voru 5 talsins en 2 litlar skrúfur voru hafðar með til að tákna jafnaðarmerkið. Eins og áður segir átti Garðar að láta stærðfræðidæmið ganga upp en hann mátti einungis færa eina skrúfu af stærri gerðinni. Þessa einu skrúfu mátti Garðar færa hvert sem er. Þess ber þó að geta að jafnaðarmerkið verður að standa eins og það er.

Getur þú hjálpað Garðari að færa skrúfuna á réttan stað?

Hægt er að senda inn lausn á gátunni á þetta netfang. Svar við gátunni verður svo birt í næstu viku, ásamt nöfnum þeirra sem sendu inn réttar lausnir.

Lausn við gátunni hefur nú verið birt hér.