Lýtingur er flokkur basískra, lífrænna köfnunarefnissambanda sem myndast í plöntum. Lýtingar þjóna oft vistfræðilegu hlutverki í plöntunum, veita þeim meðal annars vörn gegn sýkingum eða ágangi skordýra. Margir lýtingar hafa einnig reynst hafa margvísleg áhrif á mannslíkamann. Þessi efni koma oftast fyrir sem sölt lífrænna sýrna og eru flest óleysanleg í vatni.Kínín, morfín og ópíum eru allt dæmi um lýtinga sem hafa verið notaðir sem lyf.
Kínín myndast í berki kínatrjáa sem vaxa í hitabelti Suður-Ameríku. Kínín hefur einnig verið framleitt á rannsóknarstofum. Kínín er velþekkt lyf við mýrarköldu eða malaríu en Alþjóðaheilbrigðismálastofnunin mælir ekki lengur með því sem fyrsta kosti gegn sjúkdómnum. Heimildir og mynd:
- Hvað er alkaloid og hvernig er það íslenskað? eftir Einar Örn Þorvaldsson
- Grein um Quinine á Wikipedia.org. Skoðuð 6.5.2010.