Hvað geta hrafnar, álftir og grágæsir náð háum aldri?

Svar

Lengsti sannanlegi aldur villtra hrafna (Corvus corax) samkvæmt merkingu á unga úr hreiðri og endurheimt þegar hann drapst eru 20 ár og 5 mánuðir. Þetta var fugl sem merktur var í Finnlandi.


Hrafn (Corvus corax).
Hæsta staðfesta aldri álftar (Cygnus cygnus) náði fugl sem merktur var í Kaupmannahöfn og varð 26 ára og 6 mánaða gamall þegar ævi hans lauk. Hæstum aldri grágæsar (Anser anser) sem vitað er um náði gæs sem merkt var í Belgíu en hún lifði í 23 ár og 7 mánuði.

Það er regla að fuglar í haldi manna nái mun hærri aldri en villtir fuglar, af ýmsum eðlilegum ástæðum. Aldursmet tamins hrafns á sennilega einn af turnhröfnunum í Tower of London sem náði að minnsta kosti 44 ára aldri. Óstaðfest dæmi er um taminn hrafn sem talinn var hafa náð 88 ára aldri. Fuglafræðingar hafa þó dregið þennan óvenju háa aldur í efa.

Heimildir og mynd:

• Boarman, W., B. Heinrich. 1999. Corvus corax: Common Raven. The Birds of North America, 476: 1-32.
• Á vefsetrin Nederlandse Ringcentrale eru ýmsar upplýsingar um hæsta staðfesta aldur merktra fugla í Evrópu.
• IVN Vecht & Plassengebied