Hvað merkir orðið bóhem?

Svar

Orðið bóhem er tökuorð, komið í íslensku úr dönsku boheme og merkir ‘léttúðarmaður, lausingi, maður sem telur sig ekki bundinn af hefðbundnum reglum’.

Í dönsku er það tekið að láni úr frönsku bohème í merkingunni ‘sígauni’. Upphaflega var átt við mann frá Bæheimi en þaðan kom fjöldi sígauna til Vestur-Evrópu.


Bóhemar voru upprunalega sígaunar sem komu frá Bæheimi. Hér sjást nokkrir meðlimir serbnesku sígaunahljómsveitarinnar Kal.
Mynd: Quiet Color. Sótt 10. 8. 2009.