Hvaðan kemur hárgreiðslan hanakambur upprunalega?

Svar

Hanakambur er ævafornt fyrirbæri sem komst aftur í tísku á pönk-tímabilinu.

Talið er að hanakamburinn sem á ensku kallast Mohawk eða mohican komi frá Norður-Ameríku. Á enskri tungu er hann kenndur við Móhíkana-indjánaættflokkinn (e. Mohawk) sem kann þó að vera vafasamt því vitað að er að hanakambur var í tísku hjá Wyadot-indjánum mun fyrr.

Árið 2003 fundust 2300 ára gamlar líkamsleifar manns í Clonycavan á Írlandi. Maðurinn sem kenndur var við fundarstaðinn hafði hanakamb á höfðinu. Því gæti vel verið að það sé ævaforn siður að vera með hanakamb.

Á tuttugustu öld var hanakamburinn endurvakinn með tilkomu pönk-menningarinnar upp úr 1970. Þá var kamburinn oft litaður með margvíslegum litum og kambbrúnirnar gerðar oddhvassar.

Heimildir og mynd:

• Mohawk hairstyle á Wikipedia, the Free Encyclopedia


• Punk fashion history á Fashion-era.com
• Mynd: User-Ich_with_Mohawk.jpg á Wikimedia Commons

---

Þetta svar er eftir nemanda í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2008.