Senda inn spurningu
Sólin Sólin Rís 05:08 • sest 21:44 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:47 • Síðdegis: 21:08 í Reykjavík
Fjaran Fjara Árdegis: 02:49 • Síðdegis: 14:50 í Reykjavík
Visit the English version

Flokkun:

Heilbrigðisvísindi Læknisfræði

Hvers vegna myndast samgróningar, og er hætta á að þeir haldi áfram?

Jónas Magnússon

Samgróningar eru bandvefur sem myndast eftir aðgerðir eða bólgur í kviðarholi. Myndun þeirra tekur ákveðinn tíma en síðan hjaðna þeir eða mýkjast. Vonir standa til að samgróningar eftir aðgerðir minnki með nýjum aðferðum í skurðlækningum þar sem líffærin verða fyrir minna hnjaski.

Samgróningar (adhesion) myndast eftir aðgerðir eða bólgur í kviðarholi og stafa þá af hnjaski sem yfirborð garnanna og yfirborð lífhimnu sem klæðir kviðvegginn verða fyrir þegar þær eru handfjallaðar. Einnig geta samgróningar orðið til eftir hvers kyns bólgur í kviðarholi eða ef aðskotahlutur kemst þangað. Eftir áreitið verður bólgusvar með útfellingu eggjahvítuefna sem verður eins og hlaup í kviðarholinu. Blæðing sem alltaf verður að einhverju leyti leiðir til hins sama. Þegar þessi efni hreinsast upp verður innvöxtur bandvefsfrumna sem síðan leiðir til bandvefsmyndunar sem heldur görnunum saman og kallast það samgróningar.

Samvextir myndast því óhjákvæmilega í meira eða minna magni eftir nokkurn tíma frá aðgerð. Eftir það verður þó ekki meiri samvaxtamyndun og smám saman minnka þeir eða öllu heldur mýkjast. Þeir aukast því ekki nema til komi meira eða áframhaldandi áreiti. Nýjar tegundir aðgerða þar sem hnjask á líffærum er talið vera minna mun ef til vill minnka þetta vandamál sem samgróningar eftir skurðaðgerðir er.

Höfundur

Jónas Magnússon

prófessor í læknisfræði við HÍ

Útgáfudagur

15.6.2000

Spyrjandi

Ellen Viðarsdóttir

Efnisorð

Tilvísun

Jónas Magnússon. „Hvers vegna myndast samgróningar, og er hætta á að þeir haldi áfram?“ Vísindavefurinn, 15. júní 2000. Sótt 28. apríl 2024. http://visindavefur.is/svar.php?id=519.

Jónas Magnússon. (2000, 15. júní). Hvers vegna myndast samgróningar, og er hætta á að þeir haldi áfram? Vísindavefurinn. Sótt af http://visindavefur.is/svar.php?id=519

Jónas Magnússon. „Hvers vegna myndast samgróningar, og er hætta á að þeir haldi áfram?“ Vísindavefurinn. 15. jún. 2000. Vefsíða. 28. apr. 2024. <http://visindavefur.is/svar.php?id=519>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvers vegna myndast samgróningar, og er hætta á að þeir haldi áfram?
Samgróningar eru bandvefur sem myndast eftir aðgerðir eða bólgur í kviðarholi. Myndun þeirra tekur ákveðinn tíma en síðan hjaðna þeir eða mýkjast. Vonir standa til að samgróningar eftir aðgerðir minnki með nýjum aðferðum í skurðlækningum þar sem líffærin verða fyrir minna hnjaski.

Samgróningar (adhesion) myndast eftir aðgerðir eða bólgur í kviðarholi og stafa þá af hnjaski sem yfirborð garnanna og yfirborð lífhimnu sem klæðir kviðvegginn verða fyrir þegar þær eru handfjallaðar. Einnig geta samgróningar orðið til eftir hvers kyns bólgur í kviðarholi eða ef aðskotahlutur kemst þangað. Eftir áreitið verður bólgusvar með útfellingu eggjahvítuefna sem verður eins og hlaup í kviðarholinu. Blæðing sem alltaf verður að einhverju leyti leiðir til hins sama. Þegar þessi efni hreinsast upp verður innvöxtur bandvefsfrumna sem síðan leiðir til bandvefsmyndunar sem heldur görnunum saman og kallast það samgróningar.

Samvextir myndast því óhjákvæmilega í meira eða minna magni eftir nokkurn tíma frá aðgerð. Eftir það verður þó ekki meiri samvaxtamyndun og smám saman minnka þeir eða öllu heldur mýkjast. Þeir aukast því ekki nema til komi meira eða áframhaldandi áreiti. Nýjar tegundir aðgerða þar sem hnjask á líffærum er talið vera minna mun ef til vill minnka þetta vandamál sem samgróningar eftir skurðaðgerðir er....