Sólin
Rís 05:15 • sest 21:38
Tunglið
Rís 01:18 • Sest 04:30
Flóð
Árdegis: 07:36 • Síðdegis: 19:53
Fjara
Árdegis: 01:39 • Síðdegis: 13:42
Aðdragandi frelsistríðsins voru miklar tolla- og skattaálögur Breta á þrettán nýlendur í Bandaríkjunum. Íbúar nýlendanna í Norðurríkjunum voru ósáttir við stjórnunarhætti Breta og mikil óánægja var vegna þess að nýlendurnar áttu engan fulltrúa á breska þinginu. Nýlendurnar stóðu vel efnahagslega og mótmæltu háum tollum með því að sniðganga breskar vörur. Englendingar neyddust þá til að afnema tollana en til að sýna yfirráð sín héldu þeir áfram að heimta háa tolla af tei.
Í Boston brutust þá út táknræn mótmæli 16. desember árið 1773 þar sem bandarískir þjóðernissinnar klæddust eins og Mohawk-indíánar og köstuðu 342 tunnum af tei í sjóinn. Tefarmurinn var metinn á 18.000 pund. Þessi atburður hefur verið nefndur teveislan í Boston eða the Boston Tea Party. Skömmu síðar braust út stríð milli Breta og nýlendubúa. Stríðið var háð árin 1775-1783.
George Washington var yfirmaður hers uppreisnarmanna og hann varð fyrsti forseti Bandaríkjanna. Bandaríkjamenn undirrituðu sjálfstæðisyfirlýsingu þann 4. júlí árið 1776, en sá dagur er þjóðhátíðardagur Bandaríkjanna. Bandaríkin voru formlega stofnuð árið 1789. Þessi bylting varð svo hvati Frakka til að gera byltingu gegn frönsku ríkisstjórninni árið 1789.
Heimildir
Þetta svar er eftir grunnskólanemanda á námskeiði Vísindavefsins sem haldið er í samvinnu við samtökin Heimili og skóla og Fræðslumiðstöð Reykjavíkurborgar vegna bráðgerra barna.