Hvað er Stór-Reykjavíkur svæðið stórt sem hlutfall af öllu landinu?

Svar

Hjá Hagstofu Íslands teljast sveitarfélögin Reykjavík, Kópavogur, Seltjarnarnes, Garðabær, Hafnarfjörður, Bessastaðahreppur, Mosfellsbær og Kjósarhreppur til höfuðborgarsvæðisins. Í þessu svari er gengið út frá því að sömu sveitarfélög myndi hið svokallaða Stór-Reykjavíkursvæði.

Á heimasíðu Landmælinga Íslands er að finna upplýsingar um stærð sveitarfélaga á Íslandi. Flatarmál sveitarfélaga á höfðuborgarsvæðinu er sem hér segir:

• Reykjavík 273 km²
• Kópavogur 113 km²
• Seltjarnarnes 2 km²
• Garðabær 39 km²
• Hafnarfjörður 144 km²
• Bessastaðahreppur 6 km²
• Mosfellsbær 197 km²
• Kjósarhreppur 288 km²

Samanlagt er flatarmál sveitarfélaga á höfuðborgarsvæðinu því rúmir 1.062 ferkílómetrar (km²). Þar sem flatarmál Íslands er 103.000 ferkílómetrar er höfuðborgarsvæði því aðeins um 1,03% af heildar flatarmáli landsins. Þann 1. desember 2001 bjuggu 178.030 manns á þessu litla svæði en það eru 62,2% þjóðarinnar.




Skoðið einnig svar sama höfundar við spurningunni Hvert er flatarmál Vestfjarða?


Mynd: HB