Hver eru lögmál Newtons?

Svar

Baldvin Sigurjónsson (f. 1985) spurði líka: Hver er Newton og hvað gerði hann?

Með 'lögmálum Newtons' er venjulega átt við þrjú lögmál sem eru ævinlega kennd við hann og jafnvel ekki neitt annað. Þau eru þessi:

• Fyrsta lögmál Newtons, stundum einnig nefnt tregðulögmálið.
  
• Annað lögmál Newtons (um kraft og hröðun).
  
• Þriðja lögmál Newtons (um átak og gagntak).

Newton setur þessi lögmál fram sem eins konar frumhæfingar ('axioms' eða 'postulates') í upphafi máls í bók sinni Stærðfræðilögmál náttúruspekinnar. Hér á Vísindavefnum er fjallað nánar um þau hvert um sig í sérstökum svörum sem má til dæmis kalla fram með því að smella á heitin hér á undan.

Þyngdarlögmálið er líka stundum kennt við Newton og þá kallað 'þyngdarlögmál Newtons'. Newton setur það ekki eins skilmerkilega fram og hin lögmálin í fyrrnefndri bók, en hann beitir því með ýmsum hætti. Hægt er að lesa meira um þyngdarlögmálið í svari höfundar við spurningunni Hvað veldur aðdráttaraflinu og hvers vegna er það mismunandi milli tungla og reikistjarna?