Hve stór hluti af þjóðinni hefur farið í fangelsi?

Nafn þitt

Netfang þitt

Netfang móttakanda

Ruslpóstvörn =

Svar

Hve stór hluti af þjóðinni hefur farið í fangelsi?
Ekki tókst að finna upplýsingar um það hversu stór hluti af þjóðinni hefur á einhverjum tímapunkti setið í fangelsi. Á vef Fangelsismálastofnunar ríkisins Fangelsi.is eru hins vegar ýmsar upplýsingar um fanga og fangavist. .Þar má til dæmis sjá að árið 2006 voru að meðaltali 117,7 fangar í öllum fangelsum landsins hvern dag ársins. Það þýðir að 38,3 af hverjum 100.000 íbúum hafi verið í fangelsi.

Talan hækkar aðeins ef teknir eru með fangar sem voru vistaðir annars staðar en í fangelsi, svo sem á sjúkrahúsum eða öðrum stofnunum, í meðferð, hjá Vernd, á Sólheimum eða annars staðar. Þá voru fangar alls að meðaltali 142,6 eða 46,4 á hverja 100.000 íbúa.

Árið 2006 voru fangar á Íslandi að meðaltali 46,4 á hverja 100.000 íbúa. Það þýðir að tæplega 0,05% þjóðarinnar afplánaði dóm það árið.

Samkvæmt upplýsingum á vef Afstöðu, félags fanga, þá væri hlutfall fanga á Íslandi hærra ef fangelsispláss væru fleiri. Það skýrist ekki af því að þá myndi fleiri brjóta af sér heldur eru biðlistar eftir að afplána dóma. Talið er að allt að 140 manns bíði eftir að sitja af sér dóm. Ef allir þessir einstaklingar gætu hafið afplánun í dag væri því næstum tvöfalt fleiri fangar á Íslandi en nú eru, alla vega á meðan verið væri að vinna biðlistann niður.

Frekari fróðleikur á Vísindavefnum:

• Hversu mörg % af allri heimsbyggðinni eru í fangelsi?
• Skiptir máli varðandi endurhæfingu fanga hvar þeir afplána dóm sinn hér á landi?
• Hvers vegna eru afbrotamenn settir í fangelsi?

Heimildir og mynd:

• Ýmsar tölfræðilegar upplýsingar á Fangelsi.is. Sótt 11. 3. 2008.
• Fjöldi fanga eða fjöldi fangelsisplássa á Afstaða - til ábyrgðar. Sótt 11. 3. 2008.
• Mynd: U.S. Prison Population at All-Time High á ABC News, 27. 6. 2007. Sótt 11. 3. 2008.

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....