Hvað eru margar kirkjur á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Hvað eru margar kirkjur á Íslandi?
Kirkjur á Íslandi eru fjölmargar, sökum þess geta upplýsingar um fjölda kirkna verið örlítið á reiki. Á vefsíðunni Kirkjukort má sjá „allar“ kirkjur á Íslandi. Þar eru skráðar 362 kirkjur þegar þetta er skrifað í júlí árið 2010. Árið 2004 vann Ásta Margrét Guðmundsdóttir kirknaskrá fyrir þjóðkirkjuna. Þar kemur fram að kirkjur þjóðkirkjunnar, bæði núverandi sóknarkirkjur og aflagðar, séu 322 talsins. Einnig eru talin upp 39 önnur guðshús, kapellur eða bænahús, til dæmis Fríkirkjan í Hafnarfirði og Reykjavík en þær tilheyra ekki þjóðkirkjunni. Samkvæmt þessu er 361 kirkja á Íslandi.

Dómkirkjan í Reykjavík.
Aftur á móti vantar einhverjar kirkjur hinna ýmsu safnaða sem finna má á landinu. En þessar tölur gefa þó ágæta mynd af fjölda kirkna á Íslandi.

Sóknir þjóðkirkjunnar eru á þriðja hundrað og prófastsdæmin 12 talsins en þeim hefur heldur fækkað síðustu ár. Þau voru til að mynda 16 er áðurnefnd kirknaskrá var tekin saman.

Frekara lesefni á Vísindavefnum:

• Hvers vegna heitir kirkja þessu nafni? eftir Guðrúnu Kvaran
• Hvað er stærsta kirkja í heimi stór og hvar er hún? eftir Margréti Einarsdóttur
• Snúa allar kirkjur á Íslandi í vestur? eftir Hjalta Hugason

Heimildir:

• Kirkjukort
• Kirknaskrá - þjóðkirkjan
• Prófastsdæmi - þjóðkirkjan

Mynd:

• Wikipedia.com. Sótt 7.7.2010.

...