Senda inn spurningu
Sólin Sólin Rís 05:40 • sest 21:16 í Reykjavík
Tunglið Tunglið Rís 15:13 • Sest 05:59 í Reykjavík
Flóð Flóð Árdegis: 03:57 • Síðdegis: 16:31 í Reykjavík
Fjaran Fjara Árdegis: 10:23 • Síðdegis: 22:34 í Reykjavík
Visit the English version

Flokkun:

Náttúruvísindi og verkfræði Lífvísindi: dýrafræði

Hvað eru til margir búrhvalir í heiminum?

Jón Már Halldórsson

Búrhvalir (Physeter macrocephalus) hafa verið mikið veiddir á síðastliðnum öldum, fyrst og fremst vegna lýsis. Hægt er að skipta veiðum á búrhvölum í tvö tímabil. Hið fyrra hófst snemma á 18. öld og náði hámarki um 1830. Seinna tímabilið hófst á 3. áratug síðustu aldar og náði hámarki á þeim 7. Var þá beitt nútímaaðferðum með stórvirkum hvalveiðiskipum. Þegar tölur eru skoðaðar yfir fjölda veiddra dýra, er ljóst að margfalt meiri afköst voru á seinna tímabilinu og náðu veiðarnar vel yfir 20 þúsund dýr á ári, í nokkur ár.




Bandaríski líffræðingurinn Jan Whitehead hefur gert mat á heildarstofnstærð tegundarinnar í heimshöfunum í dag og kemst að þeirri niðurstöðu að sennilega séu búrhvalir um 360 þúsund. Whitehead metur fjöldann nú vera um 32% af því sem hann var áður en veiðar hófust á skipulegan hátt, við upphaf 18. aldar, en hann telur að fjöldinn þá hafi verið á bilinu 672.000 - 1.512.000 dýr.

Sumir vísindamenn telja að búrhvalir séu mun fleiri og nýleg skýrsla, frá líffræðingunum Berta og Sumich (1999), segir að heildarstofn búrhvala í dag sé nálægt tveimur milljónum dýra. Búrhvalurinn virðist þess vegna ekki vera í bráðri útrýmingarhættu. Veiðar í atvinnuskyni hafa ekki verið stundaðar frá 1989, og búrhvalastofnarnir hafa náð að rétta lítillega úr kútnum.

Skoðið einnig svar sama höfundur við spurningunni Hvað borða búrhvalir?

Heimildir og mynd:
  • Whitehead, H. (2002) „Estimates of the current global population size and historical trajectory for sperm whales.“ Marine Ecology progress series. Vol. 242: 295-304.
  • Berta A, Sumich J.L. (1999) „Marine Mammals.“ Evolutionary biology. Academic Press.
  • How Whales Work

Höfundur

Jón Már Halldórsson

Jón Már Halldórsson

líffræðingur

Útgáfudagur

6.2.2003

Spyrjandi

Sæmundur Óli , f. 1992

Efnisorð

Tilvísun

Jón Már Halldórsson. „Hvað eru til margir búrhvalir í heiminum?“ Vísindavefurinn, 6. febrúar 2003. Sótt 19. apríl 2024. http://visindavefur.is/svar.php?id=3111.

Jón Már Halldórsson. (2003, 6. febrúar). Hvað eru til margir búrhvalir í heiminum? Vísindavefurinn. Sótt af http://visindavefur.is/svar.php?id=3111

Jón Már Halldórsson. „Hvað eru til margir búrhvalir í heiminum?“ Vísindavefurinn. 6. feb. 2003. Vefsíða. 19. apr. 2024. <http://visindavefur.is/svar.php?id=3111>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað eru til margir búrhvalir í heiminum?
Búrhvalir (Physeter macrocephalus) hafa verið mikið veiddir á síðastliðnum öldum, fyrst og fremst vegna lýsis. Hægt er að skipta veiðum á búrhvölum í tvö tímabil. Hið fyrra hófst snemma á 18. öld og náði hámarki um 1830. Seinna tímabilið hófst á 3. áratug síðustu aldar og náði hámarki á þeim 7. Var þá beitt nútímaaðferðum með stórvirkum hvalveiðiskipum. Þegar tölur eru skoðaðar yfir fjölda veiddra dýra, er ljóst að margfalt meiri afköst voru á seinna tímabilinu og náðu veiðarnar vel yfir 20 þúsund dýr á ári, í nokkur ár.




Bandaríski líffræðingurinn Jan Whitehead hefur gert mat á heildarstofnstærð tegundarinnar í heimshöfunum í dag og kemst að þeirri niðurstöðu að sennilega séu búrhvalir um 360 þúsund. Whitehead metur fjöldann nú vera um 32% af því sem hann var áður en veiðar hófust á skipulegan hátt, við upphaf 18. aldar, en hann telur að fjöldinn þá hafi verið á bilinu 672.000 - 1.512.000 dýr.

Sumir vísindamenn telja að búrhvalir séu mun fleiri og nýleg skýrsla, frá líffræðingunum Berta og Sumich (1999), segir að heildarstofn búrhvala í dag sé nálægt tveimur milljónum dýra. Búrhvalurinn virðist þess vegna ekki vera í bráðri útrýmingarhættu. Veiðar í atvinnuskyni hafa ekki verið stundaðar frá 1989, og búrhvalastofnarnir hafa náð að rétta lítillega úr kútnum.

Skoðið einnig svar sama höfundur við spurningunni Hvað borða búrhvalir?

Heimildir og mynd:
  • Whitehead, H. (2002) „Estimates of the current global population size and historical trajectory for sperm whales.“ Marine Ecology progress series. Vol. 242: 295-304.
  • Berta A, Sumich J.L. (1999) „Marine Mammals.“ Evolutionary biology. Academic Press.
  • How Whales Work

...