Af hverju er lykt af prumpi og hver fann upp orðið prump?

Nafn þitt

Netfang þitt

Netfang móttakanda

Ruslpóstvörn =

Svar

Af hverju er lykt af prumpi og hver fann upp orðið prump?
Vindgangur stafar af því að bakteríur í ristlinum sundra ómeltanlegum kolvetnum og mynda um leið vetni og koltvíildi. Gastegundirnar berast síðan út um endaþarmsopið sem prump. Í um þriðjungi manna myndast einnig metan en ekki er vitað af hverju það myndast í sumum en öðrum ekki.

Lyktin sem fylgir oft vindgangi stafar af brennisteinssamböndum sem sumar bakteríur í ristlinum mynda. Það má ætla að þeim mun meiri brennisteinssambönd sem myndast í ristlinum, þeim mun meiri lykt fylgi vindganginum.

Eðlileg losun á lofttegundum um endaþarmsopið er talin vera um 14 til 23 skipti á dag.

Elsta dæmið um orðið prump sem finnst í ritmálssafni Orðabókar Háskólans er úr bókinni Sálmurinn um blómið eftir Þórberg Þórðarson sem kom fyrst út 1954.

Heimildir og frekara lesefni á Vísindavefnum:

• Af hverju prumpar maður og ropar? eftir EDS
• Hvað veldur vindgangi? eftir Þuríði Þorbjarnardóttur
• Af hverju er það kallað að 'reka við' þegar maður prumpar? eftir Guðrúnu Kvaran
• Af hverju melta meltingarfærin ekki sjálf sig um leið og þau melta fæðu? eftir Þuríði Þorbjarnardóttur

Mynd:

Wikimedia Commons. Myndrétthafi Towsonu2003~commonswiki. Birt undir Creative Commons-leyfi. Sótt 15. 7. 2016.

---

Þetta svar er í flokknum „bekkirnir spyrja“ þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur....