Af hverju sofum við?

Rannsóknir á mönnum hafa samt leitt í ljós að fólk sem ekki fær að sofa verður slappt og sljótt og líkamshiti þess breytist. Athyglisvert er að svefnleysi hefur yfirleitt ekki mikil áhrif á getu manna til líkamlegrar vinnu. Sömuleiðis hefur komið í ljós að fólk sem hreyfir sig mikið þarf yfirleitt ekki á meiri svefni að halda en kyrrsetufólk. Ólíkt hugmyndum almennings virðist aðaltilgangur svefns því ekki endilega vera að hvíla líkamann; hann er hægt að hvíla með því að leggjast upp í sófa án þess að sofna. Flestir hallast fremur að því að svefns sé aðallega þörf til að endurnæra huga og heila.

Mikilvægi svefns fyrir hugarstarf sést ekki síst á fólki sem ekki fær nægan svefn. Svefnleysi gerir fólk ruglað, sljótt og einbeitingarlítið og viðbragðsflýtir minnkar til muna. Enginn ætti því að sinna störfum sem krefjast árvekni, eins og að aka bíl, eftir langar andvökunætur. Lítill svefn getur einnig haft í för með sér skynbrenglun, jafnvel ofskynjanir. Einnig geta komið fram breytingar á persónuleika, svo sem að fólk verði óvenjuuppstökkt og ört.

• Breytist svefnþörf með aldri fólks? eftir Magnús Jóhannsson
• Af hverju ganga sumir í svefni? eftir Heiðu Maríu Sigurðardóttur
• Eru til einhver ráð til þess að sofa betur? eftir Bryndísi Benedikstsdóttur
• Sofa skordýr? Ef svo er hversu marga klukkutíma á sólarhring? eftir Jón Má Halldórsson
• Hvaða dýr sefur mest? eftir Jón Má Halldórsson

• TeenFX.com. Sótt 1. 4. 2011.