Hefur einhver maður farið til Satúrnusar?

Nafn þitt

Netfang þitt

Netfang móttakanda

Ruslpóstvörn =

Svar

Hefur einhver maður farið til Satúrnusar?
Menn hafa skoðað Satúrnus ýtarlega gegnum sjónauka, auk þess sem fjögur geimför hafa skoðað reikistjörnuna. Pioneer 11 heimsótti Satúrnus árið 1979. Árið 1980 kom Voyager 1 að Satúrnusi og ári síðar var komið að Voyager 2. Geimfarið Cassini-Huygens komst á braut um Satúrnus árið 2004. Það er enn að og nú hefur verkefnið verið framlengt til ársins 2017.

Enginn maður hefur stigið fæti á Satúrnus en reikistjarnan hefur ekkert fast yfirborð.

Satúrnus er gasrisi líkt og hinar ytri reikistjörnur sólkerfisins, Júpíter, Úranus og Neptúnus. Að Satúrnus sé gasrisi þýðir að þar er ekkert fast yfirborð. Ekki eru uppi nein áform að senda mannað geimfar til Satúrnusar. Menn hafa lengst farið til tunglsins en hafa í hyggju að lenda á Mars í náinni framtíð.

Lofthjúpur Satúrnusar er aðallega úr vetni og helíni, ásamt metani. Hitastigið á Satúrnusi er um -125°C enda er hann mjög langt frá sólinni. Vindhraði á reikistjörnunni er gífurlegur en hann er að meðaltali um 120 metrar á sekúndu og við miðbaug reikistjörnunnar nær hann upp í 500 metra á sekúndu. Aðstæður á Satúrnus eru þannig ekki mjög heppilegar til mannaðra geimferða, auk þess sem ekki verður hægt að lenda á reikistjörnunni þar sem ekkert fast yfirborð er, eins og áður segir.

Frekara lesefni á Vísindavefnum:

• Hvað heita öll tungl Satúrnusar? eftir Ögmund Jónsson
• Hvenær er áætlað að Cassini lendi á Titan? eftir Sævar Helga Bragason
• Munum við geta lifað á Mars? Hvernig munum við komast þangað? eftir EDS
• Hvaða líkur eru á að menn geti flust til annarra reikistjarna, og hvernig færum við þá að því? eftir Þorstein Vilhjálmsson og Sævar Helga Bragason
• Að hverju þarf að gæta ef menn vilja nema land á tunglinu? eftir Þorstein Vilhjálmsson

Heimildir:

• Hvað geturðu sagt mér um Satúrnus? eftir Sævar Helga Bragason
• Stjörnufræðivefurinn - Satúrnus
• en.wikipedia.org - Cassini-Huygens

Mynd:

• en.wikipedia.org - Saturn. Sótt 9.6.2011.

---

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2011....