Já, allir bein- og brjóskfiskar hafa eitthvað sem gæti kallast tunga. Rétt er þó að taka fram að þessi tunga er ólíkt tungum annarra hryggdýra. Dýrafræðingar nefna þetta einkennilega líffæri ekki tungu, heldur notast við fræðiheitið basihyal. Líkt og á við um tungu landhryggdýra er basihyal með sinafestingu aftarlega á neðra borði skoltsins en þar má segja að samlíkingu við tungu landhryggdýranna ljúki. Tunga landhryggdýra er hlutfallslega mun stærri, hún er einungis gerð úr mjúkum vef og er því ákaflega liðug og notadrjúg. Basihyal fiskanna er hins vegar smátt líffæri og að mestu brjóskkennt.
Hauskúpa þorsks. Það sem merkt er inn á myndina sem b er basihyal þorksins.
Hjá langflestum hákörlum er notagildi basihyals næstum ekkert. Þeir geta lítið hreyft þetta einkennilega líffæri auk þess sem það er afar smátt í sniðum. Þó eru örfáar undantekningar, meðal annars hjá tegundum innan ættkvíslarinnar Ististius sem kallast á ensku 'cookie cutter sharks'. Þessir hákarlar eru smáir en hafa hlutfallslega mun lengri "tungu" en aðrir brjóskfiskar. Þeir afla sér fæðu með því að hanga á hvölum, öðrum hákörlum eða uppsjávarfiskum og sjúga holdið úr þeim, eða eins og Bandaríkjamenn kalla þetta, afla sér “flesh cookies”. Tungan gegnir þar lykilhlutverki í að framkalla undirþrýsting eða sogkraft sem gerir þeim kleift að opna hold stóravaxinna bráðar sinnar og næla sér þannig í næringu.
Mynd:
Hér getur þú sent okkur nýjar spurningar um vísindaleg efni.
Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar
um mikilvæg efni eru líklegastar til að kalla fram vönduð og greið svör. Ekki er víst að tími vinnist til að
svara öllum spurningum.
Persónulegar upplýsingar um spyrjendur eru eingöngu notaðar í starfsemi vefsins, til dæmis til að
svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki
nægileg deili á sér.
Spurningum sem eru ekki á verksviði vefsins er eytt.
Að öðru leyti er hægt að spyrja Vísindavefinn um allt milli himins og jarðar!
Sólin
Rís 05:26 • sest 21:28
Tunglið
Rís 21:24 • Sest 05:22
Flóð
Árdegis: 06:10 • Síðdegis: 18:30
Fjara
Árdegis: 00:11 • Síðdegis: 12:20
